Í-listinn í Ísafjarðarbæ býður íbúum til plokkfiskfundar alla föstudaga milli kl. 11.30 og 13.30. Fundirnir eru óformlegir og hugsaðir sem létt spjall um bæjarmálin. íbúum gefst tækifæri á að spyrja frambjóðendur Í-listans um menn og málefni.
Frambjóðendur og grasrót listans skiptast á að elda plokkfiskinn. Nú hefur Már Óskarsson vélstjóri tekið eldamennskuna að sér. Sagt er að plokkfiskurinn hans sé svo ljúffengur að sögur berist jafnvel út fyrir hérað.
Plokkfiskur og pólitík er þægilegt og létt spjall fyrir þá sem hafa áhuga á að taka þátt í umræðum um hvernig við getum gert bæinn okkar betri.
