Kaffi hefur löngum verið notað sem lífrænn áburður við grænmetis og blómarækt. Erlendis tíðkast að kaffihús safni saman kaffikork eftir að kaffi hefur verið lagað, sem viðskiptavinir geta nýtt sem áburð í garðinn. Í ísafjarðarbæ hefur t.d. skrifstofa Verkalýðsfélag Vestfirðinga um langt skeið flokkað kaffikork frá almennu sorpi og nýtt sem áburð.

Kosningaskrifstofa Í-listans er opin alla virka daga frá 12.00 – 13.00 & 16.00 – 19.00

Frambjóðendur og grasrót listans skiptast á að elda plokkfiskinn. Nú hefur Már Óskarsson vélstjóri tekið eldamennskuna að sér. Sagt er að plokkfiskurinn hans sé svo ljúffengur að sögur berist jafnvel út fyrir hérað.

Plokkfiskur og pólitík er þægilegt og létt spjall fyrir þá sem hafa áhuga á að taka þátt í umræðum um hvernig við getum gert bæinn okkar betri.

Mikið glens og gaman, létt spjall um bæjarmálin. Frambjóðendur verða á staðnum fyrir þá sem vilja spyrja þá spjörunum úr. Jóna Benediktsdóttir eldar plokkarann. Allir velkomnir! Hlökkum til að sjá sem flesta!

Plokkfiskur og pólitík eru léttir og skemmtilegir fundir milli kl. 11.30 – 13.30 á föstudögum.

Allar nánari upplýsingar má fá hjá Línu Björg Tryggvadóttur 669-7344

Fyrsta sýning einkarekna hreyfimyndafjelagsins „Vargur“ á Ísafirði, verður kl. 20.00, að Aðalstræti 24 á alþjóðlegurm baráttudegi verkalýðsins, 1. maí.

Að því tilefni munum við sýna tvær myndir sem báðar fjalla að einhverju leyti um verkalýðsbaráttuna. Eftir að sýningu myndanna er lokið er ætlunin að hópurinn spjalli saman um boðskap myndanna.

Kvikmyndir kvöldsins eru:
Blue Gold: World Water Wars [ 2008 ] :: Leikstjórn: Sam Bozzo /// Kvkmyndin Blue Gold fjallar meðal annars um baráttu verkafólks um aðgang að hreinu vatni. Myndin hefur vakið mikla athygli og umræðu. Eftir myndbandið verður stutt spjall um það sem fram kemur í myndinni.

Стачка / Verkfallið [ 1924 ] :: Leikstjórn: Sergei Eisenstein /// Örkvarða að verðmæti 3 vikna verkamannalaunum er stolið í Rússneskri verksmiðju. Verkamanni að nafni Yakov er sakaður um stuldinn og fremur í framhaldi sjálfsmorð. Atvikið veldur mikilli reiði meðal annara starfsmanna se, leggja niður störf. Myndin er fyrsta kvikmynd Sergei Eisenstein í fullri lengd, hún er talin ein af perlum kvikmyndasögunnar. Eftir kvikmyndina verður svo stutt spjall um sögu verkalýðsbaráttunnar á Vestfjörðum.

Enginn aðgangseyrir, en óskum eftir sterkum skoðunum og pólitískum hita.

Nánari upplýsingar: :: Heimasíða Í-listans :: Netfang :: Myndir frá starfi :: Veggspjald á Íslensku :: Veggspjald á Ensku ::

Sigurður er formaður Samgöngunefndar Fjórðungssambands Vestfirðinga. Í ályktun frá nefndinni frá 27. apríl síðastliðnum segir: „Samgöngunefnd Fjórðungssambands Vestfjarða skorar á samgöngunefnd Alþingis að setja aftur inn á Samgönguáætlun áranna 2009 – 2012 framlög til Dýrafjarðarganga og staðfesta þannig fyrri vilja Alþingis og Vestfirðinga að göngin milli Dýrafjarðar og Arnarfjarðar verði sett á áætlun samhliða Norðfjarðargöngum sem næsta jarðgangaframkvæmd á Vestfjörðum.“

Í upphaflegri áætlun fyrir árin 2009-2012 var gert ráð fyrir 1.000 milljónum króna í verkið, en nú hafa þær verið skornar af. Það vekur athygli að á sama tíma er framlögum til Norðfjarðarganga á Austfjörðum haldið inni. Þar er gert ráð fyrir samtals 1.400 milljóna króna framlagi árin 2011-2012.

Bæjarins besta [ bb.is ], birti í dag bréf frá Sigurði undir yfirskriftinni „Dýrafjarðargöng aftur inn á áætlun!“ Þar segir m.a. „Ekki þarf að fara mörgum orðum um mikilvægi Dýrafjarðarganga fyrir framtíð byggðar á Vestfjörðum, svo mjög sem rætt hefur verið um samgönguerfiðleika á milli Ísafjarðarsýslu og Barðastrandarsýslu á undangengnum áratugum. Dýrafjarðargöng eru forsenda allra áætlana um uppbyggingu atvinnulífs, þjónustu og opinberrar stjórnsýslu á Vestfjörðum, hvort heldur litið er til Sóknaráætlunar 20/20, Byggðaáætlunar, samvinnu eða sameiningar sveitarfélaga eða annarra opinberrar þjónustu. Fullyrða má að Dýrafjarðargöng eru forsenda fyrir þróun byggðar á Vestfjörðum.“

Samgöngunefnd Fjórðungssambands Vestfirðinga minnir einnig á að miðað við samgönguáætlun og framkvæmdir á Norðausturlandi verði allir þéttbýliskjarnar á landinu komnir með nútímasamgöngur milli héraða nema Vesturbyggð og Tálknafjörður. Þar þurfa íbúar að sætta sig við hálfrar aldar gamalt vegakerfi. „Þetta er ástand sem Kristján L. Möller samgönguráðherra hefur sagt að stjórnvöld ættu að biðja íbúana afsökunar á. Nú reynir á efndirnar.“ segir í grein Sigurðar.

„Framkvæmdir á veginum milli Flókalundar og Bjarkalundar og framlög til Dýrafjarðarganga eru forgangsmál í samgöngum á Vestfjörðum. Nú er að duga eða drepast. Við Vestfirðingar látum það ekki yfir okkur ganga að vera settir aftast í röðina einu sinni enn. Krafan er skýr: Dýrafjarðargöng aftur inn á áætlun!“

Nánari upplýsingar: Sigurður Pétursson Sími: 456- 3139, 895-8270

Nánari upplýsingar: :: Heimasíða Í-listans :: Netfang :: Myndir frá starfi :: Mynd með tilkynningu fyrir prentmiðla ::

Músikalst Í-listafólk mun frumflytja glænýtt Í-listalag. Að vanda eru allir velkomnir enda ekki hægt að láta þetta eðal kvöld fram hjá sér fara.

Hlökkum til að sjá ykkur öll.

Nánari upplýsingar: :: Heimasíða Í-listans :: Netfang :: Myndir frá starfi :: Mynd með tilkynningu fyrir prentmiðla ::

Fundirnir eru haldnir í framhaldi af velheppnuðu stefnuþingi Í-listans. Augljóst er að íbúar bæjarins kunna vel að meta opin og lýðræðisleg vinnubrögð. Þáttakendur komu víða úr samfélaginu og ræddu sínar hugmyndir og áherslur.

Niðurstöðum fundanna er safnað saman og stefna Í-listans unnin úr þeim. Við hvetjum alla íbúa til að mæta og leggja sitt af mörkum til að gera Ísafjarðarbæ enn betri.

Nánari upplýsingar: :: Heimasíða Í-listans :: Netfang :: Myndir frá starfi :: Mynd með tilkynningu fyrir prentmiðla ::

Þingið hefst kl. 10:00 í Fræðslumiðstöð Vestfjarða, gert er ráð fyrir að því ljúki kl 15:30. Viljum við hvetja sem flesta til að taka þátt í að móta stefnu listans.

Fyrir hádegi verða rædd fræðslumál, stjórnsýsla og fjármál og umhverfismál. Eftir hádegi verða rædd félagsmál, atvinnumál og íþrótta- og tómstundamál auk menningarmála.

Þingið er opið öllum íbúum Ísafjarðarbæjar, það er í samræmi við hugmyndafræði Í-listans um lýðræðisleg og opin vinnubrögð.

Boðið verður uppá dýrindis heimagerða kjötsúpu í hádeginu.

Nánari upplýsingar: :: Heimasíða Í-listans :: Netfang :: Myndir frá starfi :: Mynd með tilkynningu fyrir prentmiðla ::

1. Sigurður Pétursson, bæjarfulltrúi.
2. Arna Lára Jónsdóttir, bæjarfulltrúi.
3. Kristján Andri Guðjónsson, útgerðarmaður.
4. Jóna Benediktsdóttir, bæjarfulltrúi.
5. Lína Björg Tryggvadóttir, viðskiptafræðingur.
6. Benedikt Bjarnason, svæðisstjóri Fiskistofu á Ísafirði.
7. Ragnhildur Sigurðardóttir, starfsmaður Þýðingarmiðstöðvar utanríkisráðun. á Ísafirði.
8. Dagur Hákon Rafnsson, formaður Auðar – félags ungra jafnaðarmanna í Ísafjarðrbæ.
9. Valdís Bára Kristjánsdóttir, stuðningsfulltrúi.
10. Arna Sigríður Albertsdóttir, nemi.
11. Hermann Vernharður Jósefsson, forstöðumaður Funa.
12. Alina Kordek, húsmóðir.
13. Lísbet Harðardóttir Ólafardóttir, æskulýðsfulltrúi.
14. Sigurður Hafberg, leiðbeinandi.
15. Helga Björk Jóhannsdóttir, leikskólastjóri.
16. Halldór Smárason, háskólanemi.
17. Reynir Torfason, listamaður.
18. Magnús Reynir Guðmundsson, bæjarfulltrúi.

Ísafirði 17. mars 2010.
F.h. kjörstjórnar Í – listans.
Smári Haraldsson, formaður.

Talning er hafin og tölur verða birtar um kl 21.00

Nánari upplýsingar: :: Heimasíða Í-listans :: Netfang :: Myndir frá starfi :: Mynd með tilkynningu fyrir prentmiðla ::